 |
 Tablón Municipal |
XXI FESTA DOS REIS MAGOS DE ORIENTE
(04/01/2012)
|
O Concello de Friol, un ano máis organiza unha GRANDE FESTA para darlles a benvida aos REIS MAGOS DE ORIENTE que nos visitarán o xoves día 5 de xaneiro.
Tódolos/as nenos e nenas ata os catorce anos de idade están convidados/as á esta FESTA que se celebrará no POLIDEPORTIVO MUNICIPAL a partir das 5 da tarde.
Ademais de entregarlles a carta aos Reis Magos, poderán disfrutar da música, dos xogos, dos agasallos e sorteos durante toda a tarde. Como en anteriores edicións os hinchables estarán moi concorridos, non faltarán os caramelos, globos e serpentinas para todos, ademais do tradicional carbón.
Na entrada, os paxes que acompañan aos Reis faranlles entrega aos que se acheguen dunha bolsa con diferentes agasallos, ademais dunha rifa para o sorteo final de festa, onde se reparten distintos xogos educativos, libros, monecas, puzles … e varias bicicletas.
Como recordo da visita das súas maxestades os nenos e nenas poderán inmortalizar a ocasión cunha fotografía, ao tempo que lles entregan a carta e lles fan as últimas peticións.
Esperamos que todos/as se portaran ben o ano pasado, para que a xenerosidade dos Reis Magos deixe en Friol moitos agasallos e pouco carbón.
|
|
ACTO DE ENTREGA DE DIPLOMAS OBRADOIRO DE EMPREGO
(28/12/2011)
|
A CONSELLEIRA DE TRABALLO E BENESTAR, BEATRIZ MATO, CLAUSUROU O OBRADOIRO DE EMPREGO “A GÁNDARA”
Hoxe, día 28 de decembro de 2011, o Alcalde Antonio Muiña, acompañado da Conselleira de Traballo e Benestar, Beatriz Mato e do Director Xeral de Promoción do Emprego Andrés Hermida fixeron entrega dos diplomas aos 24 alumnos/as (6 de axuda a domicilio, 6 en carpintería metálica e 12 en albanelería) que participaron no Obradoiro de Emprego durante o 2011, xunto con tres monitores, un director e unha administrativa.
Este programa mixto de formación e emprego cofinanciado polo Concello de Friol e a Xunta, cun investimento de 519.000 € da Consellería de Traballo e Benestar, supuxo ademais da redución dos parados/as do municipio, a construción dunha nave para usos múltiples na parcela nº 30 do parque empresarial da localidade, e un Centro Social na parroquia de Nodar, ademais da execución de labores de atención sociosanitaria en dous centros residenciais para a terceira idade na cidade de Lugo.
|
|
Acto de inauguración do céspede artificial do campo
(13/12/2011)
|
|
O SECRETARIO XERAL PARA O DEPORTE INAUGUROU A REMODELACIÓN DO CAMPO DE FÚTBOL DE FRIOL
O pasado día 12 de decembro de 2011, José Ramón Lete Lasa, Secretario Xeral para o Deporte da Xunta de Galicia, visitou o remodelado Campo de Fútbol “A Reigosa” de Friol, ao que se lle acabou de pór recentemente un novo céspede artificial.
Tanto o Alcalde, Antonio Muiña, como o propio Secretario Xeral coincidiron en destacar que con estas novas dotacións, o actual campo de fútbol ven a situarse como un dos mellores e mais modernos dos existentes en municipios de similares características ao de Friol.
Os técnicos asistentes ao acto e que participaran na redacción do proxecto, que tivo un orzamento de adxudicación que superou os 300.000 euros, sinalaron que nestas obras foi utilizado un céspede de última xeración, o que ofrece unhas óptimas condicións para a práctica do fútbol.
Ao acto asistiron representantes do equipo de goberno do Concello de Friol e por parte da Xunta, aparte do Secretario Xeral, o Xefe de Deportes Provincial, José Manuel Rozas Bello, así como representantes da Sociedade Pública de Investimentos, que foi o organismo encargado da adxudicación do proxecto e outros técnicos. Asistiron tamén diversos representantes do deporte local, así como integrantes dos equipos máis representativos do municipio, tanto na modalidade masculina como feminina.
No transcurso do acto, o Alcalde, Antonio Muiña, agradeceu a J. Ramón Lete a inversión realizada, así como as constantes atencións aos requirimientos que dende o Concello e os diversos clubs deportivos locais lle veñen demandando.
|
|
CURSO DE XIMNASIA DE MANTEMENTO
(04/11/2011)
|
O Concello de Friol organiza durante os meses de inverno un curso de "Ximnasia de mantemento" dirixido a tódalas mulleres do municipio.
Esta actividade deportiva realizarase no Pavillón Polideportivo Municipal os lúns e mércores de 21:00 a 22:30 horas.
Para poder participar deberán inscribirse, TOTALMENTE DE BALDE nas oficinas municipais de 9:00 a 15:00 horas de lúns a venres, ata esgotar as 40 prazas dispoñibles.
O curso empezará o vindeiro lúns, 14 de novembro.
|
|
Excursión de maiores á comarca do Salnés
(26/08/2011)
|
|
O CONCELLO DE FRIOL invita a tódolos seus veciños e veciñas, maiores de 65 anos e residentes no municipio, a participar na viaxe organizada para o día 17 de setembro, sábado para visitar A Comarca do Salnés: Cambados, O Grove, A Illa de Arousa, …
Unha oportunidade para trasladarse as comarcas costeiras galegas e coñecer a súa gastronomía, disfrutar da súa paisaxe e das súas xentes, xa que como tódolos anos, poranse a disposición 200 prazas para que sexa unha xornada de convivencia entre veciños e veciñas da terceira idade do noso municipio, e compartan un día de excursión.
Tódolos/as interesados/as nesta viaxe con comida incluída e totalmente gratuíta, poderán reservar a súa praza nas oficinas do Concello ata o día 9 de setembro, de 9:00 á 15:00 horas, de luns a venres.
Cartel anunciador
|
|
APERTURA DO PRAZO DE INSCRIPCIÓN DO P.A.I.
(11/08/2011)
|
|
O Concello de Friol abrirá o día 5 do vindeiro mes de setembro O PUNTO DE ATENCIÓN A INFANCIA para o curso 2011-12.
Poderán ser usuarios/as tódolos nenos e nenas de Friol, dende os 3 meses ata os 3 anos, ata ocupar as 20 prazas dispoñibles, baixo a supervisión e coidado de 2 profesionais, cun horario de atención de 10 a 2 pola mañá, e de 4 a 8 pola tarde, de luns a venres.
O modelo de Ficha de Inscrición, así como toda a documentación requerida, poderá entregarse en horario de 9 a 3, no PRAZO DE MATRÍCULA: dende o día 16 de agosto ata o día 1 de setembro nas Oficinas Municipais.
DESCARGUE AQUI A FOLLA DE INSCRIPCIÓN
DESCARGUE REGULAMENTO
|
|
VI FEIRA DO CABALO
(27/07/2011)
|
O Concello de Friol organiza o vindeiro día 14 de agosto a VI FEIRA DO CABALO, co seguinte programa de actos:
- Ás 10:00 Hrs.: Apertura do recinto feiral.
- Ás 10:30 Hrs.: Inscripcións concursos.
- Ás 11:00 Hrs.: Paseos en ponis gratuítos para os nenos.
- Ás 11:30 Hrs.: Concursos de morfoloxía.
- Ás 13:30 Hrs.: Entrega de premios e trofeos.
- Ás 17:00 Hrs.: Concursos de andadura.
- Ás 19:30 Hrs.: Xincana popular.
- Ás 20:00 Hrs.: Entrega de premios e trofeos.
- Ás 20:30 Hrs.: Sorteo dun potro.
Programa en PDF
|
|
CAMPAMENTOS DE VERÁN 2011
(08/07/2011)
|
O Concello de Friol organiza, como tódolos anos, CAMPAMENTOS DE VERÁN, para tódolos nenos e nenas de 5 a 14 anos, de 16:00 a 20:00 h, do 1 ao 31 de agosto, nas instalacións do Club Fluvial (e no Centro Sociocultural ou Polideportivo Municipal se fai mal tempo).
Os nenos e nenas, veciños/as de Friol, poderán participar en diferentes actividades lúdicas e formativas, dirixidas por monitores especializados, como xogos tradicionais, contacontos, sendeirismo, manualidades, obradoiros de teatro, etc.
Tódolos interesados e interesadas deberán apuntarse nas oficinas do Concello de Friol, a partir do día 12 de xullo, pola mañá de 9 a 3h, de luns a venres ata cubri-las 40 prazas existentes, dun xeito totalmente de balde.
|
|
Editcto Resolución definitiva admitidos plaza encargado/a do P.A.I.
(28/03/2011)
|
Descargue Aquí - Plaza encargado/a do P.A.I
|
|
Editcto Resolución definitiva admitidos plaza persoal de apoio do P.A.I.
(28/03/2011)
|
Descargue Aquí - Persoal de apoio do P.A.I
|
|
PERSOAL DE APOIO P.A.I.
(15/03/2011)
|
Admitidos/Excluidos
|
|
ENCARGADO P.A.I.
(15/03/2011)
|
Admitidos/Excluidos
|
|
CAMPAMENTOS DE VERÁN 2011
(11/03/2011)
|
O pasado 7 de marzo o D.O.G. publicou a oferta de prazas xuvenis dentro do programa "Campaña Verán 2011", onde poderán participar tódolos nemos entre 9 e 18 anos.
O praza de solicitudes remata o vindeiro día 22 marzo do actual.
As solicitudes pódense presentar na oficina do Axente de Desenvolvemento Local do Concello de Friol, en horario de 9:00 a 15:00 horas de luns a venres.
Máis información sobre as instacións e datas de inicios dos devanditos campamentos na páxina do D.O.G.
http://www.xunta.es/Dog/Dog2011.nsf/FichaContenido/8D7A?OpenDocument
|
|
BASES PARA PERSOAL DE APOIO NO P.A.I.
(24/02/2011)
|
Pinche AQUI para descargar as bases
|
|
BASES PARA ENCARGADO/A DO P.A.I.
(24/02/2011)
|
Pinche AQUI para descargar as Bases
|
|
|
|
|
|
|
